AMAIA

                        «Bigarren doñuz»

           Euskalerri'ko Gudarien egiñak

           abestu baititut nik,

           bertsuok ez izan ametsez egiñak

           erri-odolez baizik.

           Euskal ezpaiñetan, semerik-seme

           biur bitez bertso zar...

           Txistu ta danboliñaz —dantzan ere!—

           abestuitzak euskotar!

           Ez diat nai gurean negarra,

           Malkomerke ez baitek euskotarra.

           Ator, ator gugana Itxaropen!

           Udaberria negu ondoren!

           Aritza zarraren oroitzez

           aurrera beti! makurtu ez!

           Arrotzak nai ba'gaitu lagun,

           utzi gaitzala irauten euskaldun.

           Anai gazteak! Biotzak gora...

           Ildakoei otoi eta lora...!

           Arrotz! Arrotz! Alperrikan abil

           euskaldunen erria naian il

           Eman eiozu, Yaungoikoa,

           geure lengoari geroa,

           Euskalerria bizi dedin

           Zeure mendi, bere Legeakin!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon