AGUR EUSKALERRI...

                        «Boskarren doñuz»

           Bertsolariak     Agur Euskalerri maite!

                      Goiko Yaunak esango noiz arte...

                      Agur ene yaioterri,

                      mendi goietan baserri txuri...

                      Ni zure magalean

                      bizitzeko yaioa,

                      ludi barrena ibillian

                      amets egiteko naiko det artu loa!

Erriak           Agur asaben illobi!

                      Ego aizeaz ostoa gorri...

                      sagastiak lorea du,

                      Neguak, berriz, mendian lañu.

                      Udarak baso-itzala

                      ta itzalpean iturri...

                      Geure urrutiko negarra

                      menditik bera datorren erreka iduri!

Arrantzaleak Txalupa kaian lotuta...!

                      sareak arrantzakin aztuta...

                      Nere maite, soiña lirain,

                      itxasora begira mendi gain...

                      Kanpaiaren otoitza

                      netorrela itxasotik!

                      Zu zaitut bideko oroitza

                      neure erri, itxas-gaiñeko, mendian zintzilik!

Erriak           Agur asaben illobi...

Nekazariak        Mai inguru bake ogi...

                      Gelan gurutze ta izara txuri!

                      oge alboan seaska...

                      Suak eskaratzean txinparta!

                      Illuntziz, belar-eske,

                      geure beien marrua...!

                      Agur neure yaiotetxe...

                      Nora naramaten yakin gabe, ba nua!

Erriak           Agur asaben illobi...

© Telesforo Monzon