Gudarien egiñak - Telesforo Monzon

OSTOAK

«Zortzigarren doñuz»

Udazken alde, zugaitz ostoak

ego aize zakarrak banatu...

eta aiek ezin geroztik alkartu,

Atzo pago ta aritz adarretan

goi-goitik, itzal zabaltzallea,

osto bera gaur... da beien azpia

Zugaitzei alde ezkero,

osto guzi ankapeko...

Gu aien antzeko,

etxea utzi ta gero!

Lurrarentzat, osto zarra, zimaurra.

Ta arek dakar landara.

Bai dakit zimaur gerala,

gogoz, Euskalerria il ez dedin,

yarrai berdin!

ta legortu negarra...

Sete'n (Prantzian) 1940 garrenaren Garagarrillak 27