URRUNDIK, AGUR...

Urrundik,

gero ta urrunagotik,

agur, Maite, agur iri;

ta agur bizitz lor-ezari,

ederren zeikeanari...

Gogoan

zeukanat nola beingoan

alkarri,

begiratuz zoragarri,

genion

itzeman alkar-zorion...

Ai-baña!,

ez omen naun ire diña,

ez aberatsa i aña...

Ik baietz...;

baña gurasoak ezetz,

urkatuz gure poz ta amets...

Ta, ai ene!, norabaita gorde aune...

Nun agokit, nun, Edurne?

Nerea

bear unaken umea,

noraño

eraman aune, Maiteño,

nerekin

gogaitu ta aztu adin!?

Ai ene!

Nun agokit, nun, Edurne,

gau t'egun nigana erne?...

Alperrik, oiuka, etsi-eziñik,

itaz galdetzen diñat nik...

Yadanik

bakoitzak bere bidetik

jarraitu bear, urrundik...

Agurka,

malkoak txuka ta txuka,

amets gozo danen aurka...

...Bai, agur,

ene Maitagarri xamur,

Zorion-emalle labur,

len emalle, orain lapur...

Agur, bai, urrundik, iri;

ta agur... galdu-bizitzari,

onena izango zanari

baña zertu-gabe itzali...

Urrundik,

gero ta urrunagotik...

© Telesforo Monzon