Manterola Urigoitia, Gabriel

Euskal idazle bizkaitarra (Zeanuri, 1890-1977). Gasteizen ikasi eta Eibarko apaiz laguntzaile eta kaperaua izan zen (1915-37). Ingalaterran urte batzuk eman zituen (1937-48). Askotariko lanak idatzi zituen: poesi bildumak (Goi-Izpiak, 1921), itzulpenak (Schmid-en Ipuintxoak, 1929; Leclercq-en La vida de Cristo, su Iglesia y los Cristianos, 1950 eta La Enseñanza de la moral, 1952) eta bestelakoak (Euskal Egunetako Itzaldia, 1922; Santuen bizitza laburrak, 1925). Euskaltzain urgazlea (1919) eta euskaltzain ohorezkoa (1968) izan zen.